公眾教育 - 生命教育2019.04.30 嶺南大學香港同學會小學通識訪問及全方位 文達哥哥與小三的同學進行咗一場激烈的乒乓球賽， 有片有真相啊 ，齊齊去片啦~ #嶺南大學香港同學會小學#通識訪問#全方位

哇又有吊機又有手推輪椅比同學仔做體驗，點止齋做講座咁簡單？今次出動既仲有好耐冇出活動既Andy哥哥添！拍住最近好勤力出活動既Carmen同埋資深義工Jenny姐，陣容非常鼎盛啊😎！雖然係活動期間出現佐唔少技術問題，但講師都好專業咁繼續分享，仲即場幫自己段片做人肉播音機，好勁啊🤣🤣👏！ 體驗手推輪椅個陣，最深刻係有同學仔表示好驚，唔敢坐上去輪椅到比第二個同學仔推，係呢個時候Jenny姐就出現佐講佐句「唔使驚，我地係到陪你一齊做！💪」！霸氣又令人安心既語氣，同學仔最後互相都試佐一次推輪椅落梯級。雖然佢地都表示驚，但試完之後以後幫人就會有經驗，會知道多佐點樣正確使用輪椅。啱啊！可能會有人覺得輪椅同我地有咩關係呢？識黎有咩用呢？但我地都會有受傷既機會，屋企亦都可能有老人家要用到輪椅，就算以上情況都冇，假若我地出街見到有坐輪椅既朋友仔，我地都可以伸出援手！學多樣知識冇壞既😜！ [vc_mad_images_flexslider images="5404,5406,5410" speed="1000"]

昨晚BU社會政策系的同學仔同久未露面的劉偉祥(肥祥)進行訪問，大家唔好以為肥祥好後生，原來佢已經係一位職場的高手，BU的同學仔想了解一下肥祥由青年的讀書過渡至就業的情況。 #後生仔的話題都好有共鳴 

又係同我既好拍檔Carmen一齊出學校既時候啦！今次黎到協恩中學，本以為中學生一般都比較靜，但開始冇耐同學仔就慢慢有愈黎愈多既反應，可能係我地既互動太有趣啦哈哈(話哂大家年齡都差唔多哈哈)！最大既驚喜係講完講座之後收到同學仔埋頭苦幹寫既紙仔，除佐有寫低Carmen感動到佢地既事之外，仲有同學仔既鼓勵說話。更犀利既係仲有同學畫佐Carmen個天使造型出黎，仲有將紙仔摺成心心比Carmen添！好勁啊！多謝同學仔既心意！

嘩~嘩~嘩~有無眼花睇錯? 點解會咁型既?邊個話我哋既會員只有把口叻架? 佢哋演戲仲叻啊，你唔信?2/4生命教育組走到葵興工廈既War Game場拍攝硬照，大家都非常投入，入型入格，一個字「型」💪啊 ! 其實，生命教育組會定期影一些硬照作宣傳之用，今年搞搞新意思以War Game為題。 可能有人會心存疑問「路向會員郁唔到點影趣怪搞笑相啊?」亦有會員表示坐在輪椅上未曾試過的開心，原來坐輪椅都可以影得咁開心，唔係再死板的影正件相模式，又或者係舉高雙手「YEAH」就算。 事實證明，輪椅生活一樣可以好好玩、好精彩🥳，睇你想唔想影，夠唔夠膽玩，不一樣的輪椅生活由自己創，很喜歡用錢都買不到的燦爛笑容🥰🥰 PS.特別鳴謝 :X-Mission 特攻 借出War Game場地拍攝#Ricky哥哥 拍攝#Roger哥哥 拍攝#義工Jenny 協助

「翹姑娘午安、汐嶢姐姐午安、展哥哥午安！」好耐冇聽過咁有活力又咁整齊既聲音啦！一班小一至小三既學生幾乎坐滿成個禮堂，當汐嶢姐姐問問題既時候，成個互動場面就變得好熱鬧！特別係問同學仔「你想成為一個怎樣的人」既時候，好多同學仔似乎已經有答案。雖然年紀仲細，未必可以肯定將來條路點行，但應汐嶢姐姐既話同祝福，希望同學仔都可以成為到自己心目中想成為既人，唔一定要做大事，但一定要過得有意義！ [vc_mad_advertising images="5335,5337,5339,5341,5343,5345"]

又見到同一班既同學仔！繼上次做完社區無障礙體驗後，今次就由同學仔諗番活動比我既生命講師一齊參與！除佐玩遊戲之外，同學仔仲好有心思咁設計佐立體相片同會員一齊整，互相幫助同交流之餘仲可以比會員將呢份回憶帶番屋企添！ [vc_mad_advertising images="5307,5309,5311,5313,5315,5317,5319,5321,5323,5325,5327,5329,5331"]

同學仔真係充滿智慧同創意啊！同學仔對數字既問題非常執著😂，Carmen姐姐呢頭講完唔答自己今日幾多歲，下一位同學仔就轉一個方式問Carmen姐姐幾多年出世🤣🤣🤣🤣🤣🤣，哈哈哈大家真係好可愛🤪🤪🤪🤪！ [vc_mad_advertising images="5285,5287,5289,5291,5293,5295,5297,5299,5301"]

新一年的生日會又開始啦！(*´∀`)~♥ 打響頭炮的當然是1到3月生日的會員啦！這一次玩的小遊戲有充滿文化氣息的猜燈謎（但沒有燈( ͡° ͜ʖ ͡°)）﹑經典活動吸管傳橡皮筋及世界之最最最最!!!大家都玩得非常投入，甚至臉紅耳熱。 然後吳老師為大家帶來精彩的歌唱表演，更令氣氛熱烈高漲！大家飽餐一頓﹑齊齊展露歌喉之後，就到了大豐收時間！每位會員都得到遊戲獎品，其中幸運爆滿的會員更得到最後的大抽獎禮物！(灬ºωº灬) 再一次多謝這一次出席的義工們，沒有你們的幫助活動不會順利進行。 最後祝1-3月生日的會員及義工們，生日快樂！身體健康！ξ( ✿＞◡❛)   P.S 聽說下一次的生日會有新突破！大家請密切留意啦！✧◝(⁰▿⁰)◜✧ [vc_mad_advertising images="5213,5215,5217,5219,5221,5223,5225"][vc_mad_advertising images="5245,5243,5241,5239,5237,5235,5233,5231,5229,5227"] [vc_mad_advertising images="5265,5263,5261,5259,5257,5255,5253,5251,5249,5247"]

熱烈既掌聲比Carmen姐姐👏👏👏👏！Carmen姐姐自二月尾第一次出中學做講座後便愛上了學生給予的鼓勵和支持，現在很勤力地出席學校做分享！今次來到小學做講座亦毫不怯場，睇下幾多同學仔舉起佢地既手仔發問就知Carmen姐姐既分享有幾吸引啦！🤣🤣 [vc_mad_advertising images="5191,5193,5195,5197,5199,5201,5203,5205,5207,5209"]