昨晚BU社會政策系的同學仔同久未露面的劉偉祥(肥祥)進行訪問，大家唔好以為肥祥好後生，原來佢已經係一位職場的高手，BU的同學仔想了解一下肥祥由青年的讀書過渡至就業的情況。 #後生仔的話題都好有共鳴 

又係同我既好拍檔Carmen一齊出學校既時候啦！今次黎到協恩中學，本以為中學生一般都比較靜，但開始冇耐同學仔就慢慢有愈黎愈多既反應，可能係我地既互動太有趣啦哈哈(話哂大家年齡都差唔多哈哈)！最大既驚喜係講完講座之後收到同學仔埋頭苦幹寫既紙仔，除佐有寫低Carmen感動到佢地既事之外，仲有同學仔既鼓勵說話。更犀利既係仲有同學畫佐Carmen個天使造型出黎，仲有將紙仔摺成心心比Carmen添！好勁啊！多謝同學仔既心意！

嘩~嘩~嘩~有無眼花睇錯? 點解會咁型既?邊個話我哋既會員只有把口叻架? 佢哋演戲仲叻啊，你唔信?2/4生命教育組走到葵興工廈既War Game場拍攝硬照，大家都非常投入，入型入格，一個字「型」💪啊 ! 其實，生命教育組會定期影一些硬照作宣傳之用，今年搞搞新意思以War Game為題。 可能有人會心存疑問「路向會員郁唔到點影趣怪搞笑相啊?」亦有會員表示坐在輪椅上未曾試過的開心，原來坐輪椅都可以影得咁開心，唔係再死板的影正件相模式，又或者係舉高雙手「YEAH」就算。 事實證明，輪椅生活一樣可以好好玩、好精彩🥳，睇你想唔想影，夠唔夠膽玩，不一樣的輪椅生活由自己創，很喜歡用錢都買不到的燦爛笑容🥰🥰 PS.特別鳴謝 :X-Mission 特攻 借出War Game場地拍攝#Ricky哥哥 拍攝#Roger哥哥 拍攝#義工Jenny 協助

路向早前與理工大學合辦醫療技術分享講座，向會員介紹新治療法 - 「脊髓電刺激療法」。新療法的原理主要基於神經系統的可塑性，利用獨特的電流波形，以及特定強度的電流，刺激並輔助肢體活動的神經，長遠可重建負責各種肢體活動及感覺的神經系統。 香港理工大學生物醫學工程系現開始招募脊柱損傷的人士進行以電流刺激來訓練下肢活動能力的試驗，有興趣參與者可填寫網上表格，稍後理工大學會有專人聯絡會面進行篩選檢查。 報名連結：https://goo.gl/my49L8 此試驗不限於路向會員，大家可邀請其他有興趣人士參與篩選。如對填寫表格有任何疑問，請致電3400 3530聯絡理工大學黃小姐。

「翹姑娘午安、汐嶢姐姐午安、展哥哥午安！」好耐冇聽過咁有活力又咁整齊既聲音啦！一班小一至小三既學生幾乎坐滿成個禮堂，當汐嶢姐姐問問題既時候，成個互動場面就變得好熱鬧！特別係問同學仔「你想成為一個怎樣的人」既時候，好多同學仔似乎已經有答案。雖然年紀仲細，未必可以肯定將來條路點行，但應汐嶢姐姐既話同祝福，希望同學仔都可以成為到自己心目中想成為既人，唔一定要做大事，但一定要過得有意義！ [vc_mad_advertising images="5335,5337,5339,5341,5343,5345"]

又見到同一班既同學仔！繼上次做完社區無障礙體驗後，今次就由同學仔諗番活動比我既生命講師一齊參與！除佐玩遊戲之外，同學仔仲好有心思咁設計佐立體相片同會員一齊整，互相幫助同交流之餘仲可以比會員將呢份回憶帶番屋企添！ [vc_mad_advertising images="5307,5309,5311,5313,5315,5317,5319,5321,5323,5325,5327,5329,5331"]

同學仔真係充滿智慧同創意啊！同學仔對數字既問題非常執著😂，Carmen姐姐呢頭講完唔答自己今日幾多歲，下一位同學仔就轉一個方式問Carmen姐姐幾多年出世🤣🤣🤣🤣🤣🤣，哈哈哈大家真係好可愛🤪🤪🤪🤪！ [vc_mad_advertising images="5285,5287,5289,5291,5293,5295,5297,5299,5301"]

新一年的生日會又開始啦！(*´∀`)~♥ 打響頭炮的當然是1到3月生日的會員啦！這一次玩的小遊戲有充滿文化氣息的猜燈謎（但沒有燈( ͡° ͜ʖ ͡°)）﹑經典活動吸管傳橡皮筋及世界之最最最最!!!大家都玩得非常投入，甚至臉紅耳熱。 然後吳老師為大家帶來精彩的歌唱表演，更令氣氛熱烈高漲！大家飽餐一頓﹑齊齊展露歌喉之後，就到了大豐收時間！每位會員都得到遊戲獎品，其中幸運爆滿的會員更得到最後的大抽獎禮物！(灬ºωº灬) 再一次多謝這一次出席的義工們，沒有你們的幫助活動不會順利進行。 最後祝1-3月生日的會員及義工們，生日快樂！身體健康！ξ( ✿＞◡❛)   P.S 聽說下一次的生日會有新突破！大家請密切留意啦！✧◝(⁰▿⁰)◜✧ [vc_mad_advertising images="5213,5215,5217,5219,5221,5223,5225"][vc_mad_advertising images="5245,5243,5241,5239,5237,5235,5233,5231,5229,5227"] [vc_mad_advertising images="5265,5263,5261,5259,5257,5255,5253,5251,5249,5247"]

熱烈既掌聲比Carmen姐姐👏👏👏👏！Carmen姐姐自二月尾第一次出中學做講座後便愛上了學生給予的鼓勵和支持，現在很勤力地出席學校做分享！今次來到小學做講座亦毫不怯場，睇下幾多同學仔舉起佢地既手仔發問就知Carmen姐姐既分享有幾吸引啦！🤣🤣 [vc_mad_advertising images="5191,5193,5195,5197,5199,5201,5203,5205,5207,5209"]

很久沒試過做跨區的無障礙體驗了！一班同學除了由生命講師帶著嘗試坐輪椅乘搭地鐵外，更有機會坐上我們路向的會車，體驗一下復康巴的感覺。路線由調景嶺到將軍澳站、坑口以及寶琳站，除了乘車外，同學的任務還包括要去找無障礙洗手間及到超市買零食，並在一小時內完成及返回中心。當然，在路程上生命講師們都會要同學做額外的任務😎😎，考考他們膽量之餘更讓他們了解更多平時輪椅朋友外出時會用到的設施，例如向地鐵職員借月台斜板、使用召援專綫及坐著輪椅去買車票等等。雖然同學都不能在任務時間內完成，但他們所體驗到的、嘗試到的，都可謂超班完成！全靠珍珍、Bonnie姐姐、嘉敏姐姐、光仔哥哥和文達哥哥的超水準身授！ 在分享的過程中，最感動是聽到有同學為輪椅人士感到不公平及憤怒😤，雖然是負面的情緒，但這正正表現了同學所見到的跟以往印象中的有落差他們才會有此反應。正如同學所問，為何大家都是人，卻要因為他們坐輪椅就要接受別人不友善的眼光？對啊，這社會常說共融，但到底甚麼時候才可真正達到不論設施無障礙，就連意識都無障礙呢？ 🧠🧠題外話🧠🧠 各位會員朋友仔同出面既朋友仔~最近有冇係搭地鐵時借用過斜板服務呢？冇錯啦！地鐵為佐確保輪椅使用者上落列車時既安全會提供斜板，非常貼心。我地一班同學仔係前兩日做體驗時亦有試用斜板服務，不過地鐵公司好似換佐新款既斜板，由三摺變成兩摺板，考驗一眾輪椅人士既「駕駛技術」，尤其是較大架的電動輪椅，少一啲技術都會有危險😱！我地之後會交由政策部門跟進，如果有朋友仔有類似既經驗或者意見📣都可以提供比我地職員作參考💡，等我地了解更多既情況。 [vc_mad_advertising images="5181,5183,5185,5187,5163,5177,5167,5173,5171,5169,5155,5157"]